Computre Science

بسمة آل الشيخ الإثنين مارس 28, 2011 1:46 pm

هذي معلومات عامة عن تخصص علوم الكمبيوتر Computer Science

بشكل عام التخصص في هالجامعة يعتبر ضمن الـScience و ليس الـEngineering
علوم الكمبيوتر تقع ضمن ادارة الـ Natural Science او العلوم الطبيعية ,,, و هالادارة تشمل تخصصات مثل الكيمياء و الفيزياء و الرياضيات و الاحصاء و غيرها

بعض الجامعات في امريكا تصنف التخصص على انه (علوم) و بعضها على انه ضمن (الهندسة)
الفرق انهم بيدرسونك رياضيات مكثفة اذا هو ضمن الهندسة و اقل اذا ضمن العلوم

علوم الحاسب كتخصص في هالجامعة يعتبر ممتاز جدا ,,, تستفيد كل الاستفادة و تطلع بكل اللي تحتاجة . طبعا مافيه مشروع تخرج مثل بعض التخصصات (و غالبا الهندسة)
انما فيه كورسات و كل كورس راح يكون فيه مشروعه الخاص ...

راح تدرس في البداية اساسيات البرمجة بلغة الجافا ,,, و بعدها راح تاخذ كورس ثاني في الجافا عشان تتقنها و اللي هو الـData Structure
بعد ماتتقن البرمجة بالجافا ,, راح يكون فيه كورس C++ بحكم شعبيتها ,,, و بيكون مكثف الكورس طبعا
راح تاخذ بعد كورس عن السي و الاسيمبلي بشكل مختصر و عن الGates AND NOR OR و غيرها
و اللي تعتبر نوعا ما خاصه بالمهندسين الكهربائيين ,,
بعدها راح تاخذ كورس عن هندسة البرامج Software Engineering يعلمك شلون تسوي برنامج بالشكل الصحيح ,, ابتداء من تصميمة بجميع الاشكال الى برمجته

مع هذا الكورس راح يكون فيه كورس ثاني عن الذكاء الاصطناعي ,,, اللي باخذها الكورس الياي Artificial Intelegence نوعا ما مقدمة عن هالموضوع
و ايضا كورس عن نظام التشغيل و كيفية عمله
بعد هذا راح يكون لك الخيار في اختيار الكورسات حسب التخصص اللي تبيه ,,,
راح يكون فيه مجموعه من الكورسات تختار منها اربعة ,,,

منها الشبكات و الداتا بيس و انظمة التشغيل و Parallel Programing و الـCompilers و هندسة البرامج Software Engineering و كلها بشكل متقدم ,,, و كورسات اخرى